Cancellara i sjell Zvicrës Medaljen e parë të artë olimpike

Sportisti i cili e fitoi këtë medalje është çiklisti Fabian Cancellara. 35-vjeçari ka fituar për herë të dytë garën me kronometër në çiklizëm

Edhe Zvicra më në fund e ka fituar medaljen e artë në Lojërat Olimpike “Rio 2016”. Më parë kishte fituar një medalje bronzi, shkruan albinfo.ch.

Sportisti i cili e fitoi këtë medalje është çiklisti Fabian Cancellara. 35-vjeçari ka fituar për herë të dytë garën me kronometër në çiklizëm.

Cancellara, që merr pjesë për herë të fundit në një aktivitet të tillë, ka mundur holandezin Tom Dumoulin dhe fituesin e Turit të Francës, britanikun Chris Froome, në përfundim të garës së shpejtësisë prej 54,5 kilometra të zhvilluar në Rio.

Tashmë Zvicra kalon edhe Kosovën në zonën e medaljeve, pasi Majlinda Kelmendi kishte fituar medaljen e artë në xhudo në kategorinë deri në 52 kg. Kjo ishte medalja e parë e artë e Kosovës në pjesëmarrjen e parë në një Olimpiadë. Suksesi i Cancellaras është komentuar edhe në mediat zvicerane që e kanë përgëzuar për një sukses të tillë.