Kërkesat në FIFA, një nga një

Ditë më parë Përfaqësueses së Kosovës iu bashkuan Milot Rashica, Alban Meha, Herolind Shala dhe Sinan Bytyqi, derisa tifozët në Kosovë, po presin edhe ardhjen e yjeve si Shaqiri, Xhaka e Behrami

Kryetari i Federatës së Futbollit të Kosovës (FFK), Fadil Vokrri, ka thënë se është në pritje të vendimeve nga Granit Xhaka, Adnan Januzaj, Xherdan Shaqiri e të tjerëve në lidhje me ardhjen ose jo në ekipin përfaqësues, shkruan albinfo.ch.

Më tej ai ka shtuar se futbollistët e interesuar duhet të bëjnë kërkesa individuale për t’ju bashkuar ekipit të Kosovës. “Ne u kemi bërë apel lojtarëve që të vijnë të luajnë për Kosovën, dhe kërkesa në FIFA duhet të bëhet individualisht”, ka thënë Vokrri në një konferencë për media.

Ditë më parë Përfaqësueses së Kosovës iu bashkuan Milot Rashica, Alban Meha, Herolind Shala dhe Sinan Bytyqi, derisa tifozët në Kosovë, po presin edhe ardhjen e yjeve si Shaqiri, Xhaka e Behrami.

Megjithatë, kërkesat e tyre do të shqyrtohen një nga një dhe duhet të paraqiten nga vetë futbollistët. Deri më tani shqiptarët që luajnë për Zvicrën ende nuk e kanë dhënë përgjigjen përfundimtare.