E djathta, e vendosur për ngritjen e moshës së pensionimit në 67 vjet

Shumica e djathtë e Komisionit për punë sociale të Dhomës Nacionale të Parlamentit të Zvicrës ka kërkuar ngritjen në 67 vjet të moshës për pensionim. Sipas tyre, mosha duhet të rritet në mënyrë automatike në momentin kur fondi i pensioneve bie në telashe financiare

Ngritja e moshës së pensionimit nga 65 sa është tash në 67 (për meshkujt), ka kohë që është temë debati në qarqet politike të Zvicrës. Ngritjen e moshës për pensionim e bën të nevojshme rritja e moshës mesatare të popullatës zvicerane, shkreuan albinfo.ch. Me rritje e kësaj moshe po shtohet ndjeshëm numri i pensionistëve të cilët pas pensionimit (nga mosha 65 vjeçare) jetojnë më gjatë se që kanë jetuar pensionistët më parë dhe kjo e ngarkon shumë fondin pensional.

Së fundi shumica e djathtë e Komisionit për punë sociale të Dhomës Nacionale të Parlamentit të Zvicrës ka kërkuar ngritjen në 67 vjet të moshës për pensionim, shkruan srf.ch. Sipas tyre, mosha duhet të rritet në mënyrë automatike në momentin kur fondi i pensioneve bie në telashe financiare.

Me këtë qëndrim, komisioni i përmendur pranon një propozim të bërë më parë nga Federata çati e ekonomisë “Economiesuisse” dhe Federata e Punëdhënësve.

Por, para se të rritet mosha e pensionimit në 67 vjet, duhet të ngrihet mosha e pensionimit të grave në 65 nga 64 sa është tash, transmeton albinfo.ch. Më tutje edhe tatimi i vlerës së shtuar në favor të fondit pensional duhet të rritet për 0.6 për qind.

Dhoma Nacionale do ta trajtojë në muajin shtator rishikimin e AHV-së.

Nga ana tjetër, e majta në parlament dhe sidomos sindikatat janë të vendosura kundër ngritjes së pragut për pensionim. Ato janë madje dhe kundër rritjes së moshës së pensionimit të grave nga 64 në 65 vjet. Por, për t`ua “ëmbëlsuar këtë pilulë të hidhur” atyre, Dhoma e Kantoneve ka vendosur ngritjen e pensioneve për 70 franga  ndërsa plafoni për pensionet e çifteve të rritet nga 150 në 155 për qind.