Lë Suedinë për Kosovën

Futbollisti i Hereenvenit, Arbër Zeneli ka lënë Suedinë për t’iu bashkuar Përfaqësueses së Kosovës në futboll

Arbër Zeneli i ka thënë ‘Po’ Kosovës, duke lënë Përfaqësuesen U-21 të Suedisë. Ai ka dhënë arsyetimin e parë, përse vendosi ta bëjë këtë. Ai ka treguar edhe arsyen kush ishte faktor kryesor për të zgjedhur Kosovën, shkruan albinfo.ch.

“Siç e dini tashmë, kam zgjedhur ekipin kombëtar të Kosovës. Trajneri i Kosovës (Albert Bunjaki) ka një kohë të gjatë që më ka kontaktuar për të treguar interesin e tyre që nga hera e parë që e pashë. Njerëzit mund të më quajnë tradhtar etj… Njerëzit që më njohin e dinë se sa shumë e dua Suedinë, dhe sa mirë flasë për Suedinë, gjithmonë e kam dashur këtë vend. Një ditë do të më doni”, ka shkruar Zeneli në ‘Instagram’ në gjuhën suedez.

Lajmi se ai zgjodhi Kosovën u përhap në Suedi, derisa edhe Federata e Futbollit e Kosovës konfirmoi se ai është ardhja më e re në ekipin e Kosovës.

Zeneli bëhet futbollisti i radhës që pranon Kosovën pas Milot Rashicës, Alban Mehës, Herolind Shalës, Sinan Bytyqit dhe Amir Rrahmanit.