Çdo i dyti refugjat vjen nga Ballkani

Tetë refugjatë janë nga Kosova dhe pesë nga Shqipëria në rajonin Stadland të Gjermanisë, ku çdo i dyti refugjat është nga Ballkani

EPA/VASSIL DONEV

Edhe në rajonin Stadland të Gjermanisë, problemi i refugjatëve është prezent. Në këtë vend ata mundohen që të sillen sa më mirë me refugjatët dhe t’iu gjejnë banesa e të akomodohen.

Petra Gutschow nga Enti Social ka thënë se deri në shtator ata duhet të përkujdesen për 67 refugjatë, ku 52 prej tyre tashmë gjenden këtu, kurse katër do të arrijnë të enjten, shkruan albinfo.ch.

Ajo është e lumtur që iu japin mundësi të akomodohen. 30 prej refugjatëve që kanë ardhur në këtë vend janë larguar. Shtatë prej tyre iu ka refuzuar azili, kurse 23 të tjerë është dashur patjetër të kthehen në vendlindjen e tyre.

Shumica nga refugjatët janë familjarë dhe janë të rralla rastet, ku është ndonjë person i vetëm. Dhe shumica e refugjatëve janë nga Ballkani, duke përfshirë këtu Kosovën dhe Shqipërinë.

Nga 83 refugjatë që kanë qenë të mbikëqyrur, 25 janë nga Siria, 21 nga Serbia dhe Mali i Zi, 12 nga Rusia, 8 nga Kosova dhe nga 5 prej Afganistanit dhe Shqipërisë. 4 refugjatë janë nga Maqedonia, 2 nga Iraku dhe një nga Bosnja. Kjo do të thotë se çdo i dyti refugjat në Stadland vjen nga Ballkani Perëndimor.