Deri në vitin 2040, trafik i dyfishuar në rrugët zvicerane

Më shumë vetura, më shumë njerëz dhe mallra nëpër trena. Qeveria Federale ka projektuar rritje të trafikut për 2040. Në vitet e ardhshme nevojiten miliarda për infrastrukturën.

Me rritjen e ekonomisë dhe popullsisë, edhe trafiku do të rritet. Zyra Federale për Zhvillim Hapësinor (ARE) vlerëson se në vitin 2040 rreth 50 për qind më shumë kilometra do të përshkohen në transportin publik.

Kjo është e qartë nga perspektivat e trafikut deri në vitin 2040, të cilat u bënë publike të martën në Bernë nga përfaqësuesit e Zyrës Federale të Rrugëve (ASTRA) dhe Zyrës Federale të Transportit (Fot). Në rrethin e Cyrihut ose në rajonin e Gjenevës transporti publik mund të dyfishohet.

Gjithashtu transporti hekurudhor do të rritet fuqishëm. Trafiku i motorizuar mund të rritet me gati një të tretën. Por, transportit rrugor do ketë rritje sipas studimit me 33 për qind.

Ndonëse rrjeti rrugor do të zgjerohet në vitet e ardhshme, thuhet të ketë ende pengesa, thanë në ASTRA. Zgjerimi tashmë është planifikuar nga fondi rrugëve nacionale dhe urbane (NAF). Deri në vitin 2030 janë të destinuara rreth 6.5 miliardë franga.

Në përputhje me perspektivën e trafikut 2010-2040, qarkullimi i njerëzve do të rritet për 25 për qind, në 145 miliardë kilometra. Trafiku i mallrave është rritur me 37 për qind, në 37 miliardë kilometra. Faktorët lëvizës janë rritja ekonomike dhe e popullsisë.