1.7 milionë gjermanë punojnë jashtë orarit

Gjermanët janë duke punuar gjithnjë e më shumë jashtë orarit dhe shumë shpesh edhe gjatë fundjavës, njofton Ministria gjermane e Punës, transmetonalbinfo.ch.

“Numri i të punësuarve, të cilët rregullisht punojnë më shumë se 48 orë në javë për 20 vjetët e fundit është rritur me 30 për qind”, thuhet në përgjigjen e Ministrisë së Punës. Numri i të punësuarve, të cilët rregullisht punojnë jashtë orarit, u rrit edhe për 1.7 milionë.

Çdo i katërti punëtor është përherë ose përkohësisht i detyruar të punojnë gjatë fundjavës, derisa femrat kanë qenë më të prekura nga ky fenomen se sa burrat, shton Ministria e Punës së Gjermanisë, duke iu referuar të dhënave nga Zyra Federale e Statistikave.

Partia e Majtë paralajmëron rrezikun nga fleksibiliteti i mëtejshëm i tregut të punës dhe rritjes së presionit mbi punonjësit për të pranuar këto operacione jokonvencionale.

“Gjithnjë e më shumë punonjës punojnë natën, mbrëmjeve dhe gjatë fundjavës, ndërsa Ministria e Punës ka plane për ta zbutur Ligjin e punës”, ka thënë zëdhënësja e majtë për çështje sociale, Utah Krelman.