Kosovarët me të madhe shkojnë në Shqipëri

Sipas Gazetës Shqiptare mbi shtatë mijë veta kanë kaluar pikën kufitare të Morinës gjatë 24 orëve të kaluara

Në prag të sezonit turistik është rritur fluksi i kosovarëve që shkojnë për pushime në Shqipëri. Në pikën kufitare të Morinës, policia shqiptare ka shtuar masat për normalitet e siguri për njerëzit e automjetet.

Sipas Gazetës Shqiptare mbi shtatë mijë veta kanë kaluar këtë pikë kufitare gjatë 24 orëve të kaluara..

Fluksi i hyrjeve është më i madh në fundjavë, ku nxënës shkollash, studentë apo grupe të tjera vijnë të organizuar për të vizituar Tiranën apo qytete të tjera të Shqipërisë.

Në këtë periudhë, krahas fluksit të njerëzve, ka një rritje të ndjeshme dhe të lëvizjes së ndërsjellë të automjeteve të tonazhit të rëndë që transportojnë mallra ushqimorë apo ngarkesa të tjera.