“Yjet e Kosovës”, ekspozitë për nder të shenjtërimit të Nënë Terezës

Do të ekspozohen punime të artistëve: Gjelosh Gjokaj, Mal Myrtaj, Bukurije Dalladaku, Habin Shashivari, Augustin Pergega, Hannes Lockenvitz, Daniel Forster

Më 26 shtator, shoqata “Yjet e Kosovës” në Emmendigen të Gjermanisë për nder të shenjtërimit të Nënë Terezës organizon një ekspozitë me vepra artistike, skulptura, piktura etj. kushtuar Nënë Terezës.

Ekspozita hapet në orën 19.00

Do të ekspozohen punime të artistëve: Gjelosh Gjokaj, Mal Myrtaj, Bukurije Dalladaku, Habin Shashivari, Augustin Pergega, Hannes Lockenvitz, Daniel Forster.

Në pjesën muzikore të programit do të kontribuojnë Alban Pengili, me violinë, Albert Ibrahimaj, me kitarë si dhe grupi i të rinjve të famullisë katolike St.Bonifatius.

Në hapje të programit përshëndesin: Hartmut Ott, drejtor filiale i bankës Sparkase, Joachim Saar, zëvendës i kryebashkiakut, Ajvaz Berisha, Konsull i Kosovës në Frankfurt, Tahir Shabani, themelues i shoqatës “Yjet e Kosovës”.

Ndërsa fjalën e hyrjes për ekspozitën do ta mbajë Don Lush Gjergji, biograf i Nënë Terezës, prift dhe aktivist i të drejtave të  njeriut.

Në përmbyllje do të ketë edhe një apero me ushqime dhe pije.