Një boshnjak dëshiron të luajë për Kosovën

30-vjeçari Adis Nurkoviq ka bërë të ditur se tashmë ka nisur procedurën e ndryshimit të shtetësisë dhe se është në pritje të lejes nga FIFA, pasi më herët ka përfaqësuar Bosnjën

Ish-futbollisti i Bosnjë-Hercegovinës, Adis Nurkoviq, me padurim po e pret muajin e ardhshëm, pasi po shpreson të debutojë me Përfaqësuesen e Kosovës në ndeshjen eliminatore të Kampionatit Botëror “Rusia 2018”, kundër Rusisë, shkruan albinfo.ch.

30-vjeçari në një intervistë për “Anadolu Agency” ka bërë të ditur se tashmë ka nisur procedurën e ndryshimit të shtetësisë dhe se është në pritje të lejes nga FIFA, pasi më herët ka përfaqësuar Bosnjën.

“Nuk u mendova shumë, pranova dhe ndiej kënaqësi që do të luajë për Kosovën. Ishte një rastësi e madhe, pasi gruaja ime është me origjinë nga Kosova. Pres që në ndeshjen kundër Kroacisë, më 6 tetor, të jem konkurrent i portierit aktual Samir Ujkani, që është shumë i mirë”, ka thënë Nurkoviq.

Ai ka luajtur për të gjitha ekipet e reja të Bosnjë-Hercegovinës, kurse me ekipin A ka tri paraqitje, gjatë vitit 2009.

Nurkoviq aktualisht është pjesë e skuadrës boshnjake Travnik, kurse më herët karrierë ka bërë edhe te Çeliku, Slaven Belupo, Cibalia, Krajina Cazin, Slavonija dhe Jedinstvo Bihaq.