Ndeshja Ukrainë-Kosovë në Poloni

Në terren neutral ishte luajtur edhe ndeshja e basketbollit ndërmjet Ukrainës dhe Kosovës. Takimi ishte zhvilluar në Lituani

Federata e Futbollit e Ukrainës, nëpërmes një komunikate, thuhet se është vendosur tereni neutral, ku do të luhet ndeshja kundër Kosovës në kuadër të eliminatoreve për “Rusi 2018”, shkruan albinfo.ch.

“FIFA ka dhënë përgjigje pozitive në kërkesën e Federatës së Futbollit të Ukrainës që ndeshja kualifikuese për Kupën Botërore 2018 kundër Kosovës, më 9 tetor, të luhet në terren neutral. Federata Ukrainase planifikon që ndeshja të luhet në Poloni, në qytetin Krakow”, thuhet në deklaratë e tyre.

Pas tri ditësh delegacioni ukrainas do të shkojë në Krakow për të inspektuar dy stadiumet “Vistula” dhe “Cracovia” për të caktuar stadiumin e ndeshjes.

Federata e Futbollit e Kosovës ende nuk ka dhënë deklaratë zyrtare rreth kësaj ndeshje. Në terren neutral ishte luajtur edhe ndeshja e basketbollit ndërmjet Ukrainës dhe Kosovës. Ky takim ishte luajtur në Lituani, kurse Kosova e kishte pritur Ukrainën në Mitrovicë.