FC Kosova i ndanë pikët me “Red Star”

Në një ndeshje interesante, jo edhe aq të fortë, "Red Star" dhe FC Kosova i ndajnë pikët

Sabedini pas një moskuptimi në mbrojtje të Kosovës, shënoi direkt në një gjuajtje nga këndi për avantazh 1:0. Në minutën e 68-të, Edmond Kabashi barazoi rezultatin 1:1, pas një harkimi të Sokol Maliqit. Ky rezultat mbeti i pandryshueshëm deri në fund. 　

　

Situata para ndeshjes ishte e qartë, “Red Star” duhej që patjetër të fitonte për t’i qëndruar në thembër liderit nga Hönggu. Kosova po ashtu dëshironte fitoren për të arritur një pozitë sa më të lartë në tabelën e klasifikimit. 　

　

Mysafirët që nga fillimi diktuan lojën. Kështu që Kosova në këtë mënyrë erdhi edhe në rastet e para të shënimit, në minutat 12-të dhe 14-të. Sulmuesit e Kosovës, të dy herët ishin nga një hap prapa dhe nuk ia arritën që të realizojnë gola në këto raste.

　

“Red Star” ishte i rrezikshëm, në radhë të parë për shkak të kundërsulmeve të shpejta. Kështu në minutën e 26-të, kur Durani i iku mbrojtjes së Kosovës dhe ishte i vetmuar para portierit Besnik Zukaj. Portieri mysafir mbrojti me bravurë dhe pengoi avantazhin e “Red Star”. 　

　

Edhe pse që të dyja ekipet mundoheshin, prapëseprapë loja nuk kishte ndonjë rrjedhë dinamike.

　

Kështu që edhe avantazhi i mysafirëve erdhi nga asgjë. Fisnik Sabedini në minutën e 32-të shënoi direkt nga një gjuajtje nga këndi, pas një mosmarrëveshje të kosovarëve.

　

Rezultati ishte 1:0 dhe askush nuk e dinte se përse? Me këtë rezultat përfundoi pjesa e parë.　

　

Pas pauzës prapë ishte Kosova, ajo e cila kishte përparësi në loja.” Red Star” dëshironte të bënte më shumë në lojë, mirëpo nuk ia arriti dot.

　

Kosova e kishte topin më shumë në pronësi, mirëpo krijonte jo shumë raste të sigurta shënimi. Kështu që edhe barazimi në minutën e 68-të ishte i papritur.

　

Sokol Maliqi ishte me shpinë nga lojtarët kundërshtar, dhe ia arriti që të bëjë një harkim të bukur me Edmond Kabashin, i cili nuk e pati vështirë të barazoj rezultatin në 1:1.

　

Në fazën pavendosur ndeshjen në favor të tyre. Rastin më të mirë e pati Durand në minutën e 79-të, pas një gjuajtje nga këndi, qëlloi shtyllën pingule.

　

Kështu që ekipet u ndanë të kënaqur me ndarjen e pikëve, pra me një rezultat korrekt sipas rrjedhës së ndeshjes.

　

Të dielën e ardhshme Kosova e pret në lojë Wettingen-in. Kësaj radhe ndeshja nuk do të zhvillohet në Buchlern por në Utogrund. Ndeshja fillon si zakonisht në ora 15.30.

　

Telegrami i lojës:

Red Star – FC Kosova　　　　　　 1:1  (1:0)

　

Allmend Brunau, 　Fusha kryesore – 350 Shikues. Referi: Spangolo　

　

Golat: 32. Fisnik Sabedini 1:0 dhe 68. Edmond Kabashi 1:1

　

Kosova: Besnik Zukaj, Edmond Kabashi, Jeton Jakupi, Alban Hotnjani, Shpend Latifi, Ardian Laski, Mikel Lazri, Meriton Kelmendi, Gojart Gjergji, Mehmet Hasani (72. Flamur Kallaba) dhe Sokol Maliqi　

　

Në Bankën rezervë: Arsim Bunjaku, Azdren Avdijaj, Meriton Berisha dhe Arbnor Maliqi

　

Ndëshkimet: Sokol Maliqi (ndërhyrje e palejuar) dhe Alban Hotnjani (sjellje josportive)

---