Tematike
Qeveria zvicerane vendos rritjen e numrit të ekspertëve nga vendet e treta
Ekonomia e Zvicrës edhe në vitin e ardhshëm do të mundet të rekrutojë fuqinë e nevojshme të kualifikuar punëtore nga vendet jashtë BE-së dhe EFTA-s. Në vitin e ardhshëm Zvicra do të mund të rekrutojë gjithsej 7500 (ose 1000 më shumë) specialistë nga vendet e treta
Këshilli Federal sot në një konsultim ka vendosur në favor të një rritjeje të matur të numrit të të huajve të kualifikuar nga vendet e treta (jashtë BE-së dhe EFTA-s) për vitin 2017. Kështu, Ministria e Jashtme e Zvicrës deri në fund të nëntorit do të bëjë rishikimin e dispozitës mbi lejimin, qëndrimin dhe punën.
Në plotësim të marrëveshjes mbi lëvizjen e lirë me BE/EFTA, ekonomia e Zvicrës edhe në vitin e ardhshëm do të mundet të rekrutojë fuqinë e nevojshme të kualifikuar punëtore nga vendet jashtë BE-së dhe EFTA-s, thuhet në një njoftim nga autoritetet federale. Duke marrë vendimin në fjalë, Këshilli Federal ka respektuar nevojën që ka ekonomia për specialistë nga vendet e treta dhe ka pasur parasysh rezultatet që kanë dalë nga dëgjimi i kërkesave të kantoneve dhe partnerëve socialë.
Lejimi i shtetasve të vendeve të treta shkon në interes të përgjithshëm ekonomik të Zvicrës dhe ndihmon që të sigurohen venet e punës në Zvicër, shkruan albinfo.ch. Me këtë është siguruar po ashtu përparësia që duhet t`i jepet potencialit të fuqisë punëtore të vendit.
Kështu, në vitin e ardhshëm Zvicra do të mund të rekrutojë gjithsej 7500 (ose 1000 më shumë) specialistë nga vendet e treta. Në këtë kontekst do të jepen 3000 leje qëndrimi (Viza B) dhe 4500 leje të shkurta qëndrimi (viza L). 1000 lejet shtesë (500 B dhe 500 L) do të jenë në kuadrin e rezervave të federatës. Me to do të plotësohen kërkesat shtesë që ndërkohë do të kenë kantonet. Kështu, rezervat e federatës mundësojnë që të reagohet në mënyrë më fleksibile ndaj zhvillimeve të ndryshme ekonomike të kantoneve.
Në mbledhjen e sotme Këshilli Federal ka shqyrtuar po ashtu edhe kuotat për ofruesit e shërbimeve nga shtetet e BE-së dhe EFTA-s me një kohëzgjatje prej 90 respektivisht 120 ditësh në vit. Numri për vitin 2017 mbetet 2000 njësi për lejet e shkurtra (L) dhe 250 njësi për vizat B, ashtu sikurse edhe në vitin 2016.
E-Diaspora
-
Presidentja Osmani: Regjistrohuni mërgimtarë Presidentja e Kosovës, Vjosa Osmani ka bërë thirrje me theks të veçantë për mërgatën që të...
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
-
ASK: Mbi 1.4 milionë qytetarë të regjistruar, mbi 400 mijë nga diaspora
Jeta në Zvicër
-
Aksident në Aristau AG mes autobusit dhe makinës Një përplasje e rëndë ka ndodhur në Aristau AG, disa të plagosur ...
-
74 punonjës të Pfizer në Zug kërcënohen me largim nga puna
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?