Ishte nisur për në Angli, kapet i riu shqiptar me dokumente false italiane

Një kontrollim në bankën e të dhënave dhe rezultati ishte i qartë: “italiani” ishte në fakt një shqiptar 24 vjeçar i cili është i njohur për policinë pasi që ka bërë edhe më parë falsifikime dokumentesh

Udhëtimi i dëshiruar për në Angli ka përfunduar për shtetasin shqiptar të moshës 24 vjeçare aty ku është dashur të fillonte, në aeroportin Köln/Bonn, Gjermani. Të shtunën, i riu nga Shqipëria në sportelin e aeroportit kishte treguar një letërnjoftimi italian, shkruan gjeneral-anzeiger.de Por policët në sportel e zbuluan menjëherë se bëhej fjalë për dokument të falsifikuar.

Për të gjetur identitetin e vërtetë të tij, zyrtarët e bënë një krahasim të gjurmëve të gishtërinjve me ato që i kishin në bankën e të dhënave, transmeton albinfo.ch Dhe rezultati ishte i qartë: “italiani” ishte në fakt një shqiptar 24 vjeçar i cili është i njohur për policinë pasi që ka bërë edhe më parë falsifikime dokumentesh.

Ai është arrestuar nga Policia Federale dhe ndaj tij është bërë kallëzim penal për shkelje të ligjit mbi qëndrimin e të huajve në Gjermani.