Lajme
Diaspora mund të paraqitet “online” për të votuar në zgjedhjet e dhjetorit
Diaspora mund të regjistrohet për të votuar përmes aplikacionit elektronik, të vendosur në ueb faqen e Komisionit Shtetëror të Zgjedhjeve në Maqedoni
Zgjedhësit në diasporë mund të paraqiten për të votuar në zgjedhjet e parakohshme parlamentare më 11 dhjetor 2016 nëpërmjet një aplikacioni të Komisionit Shtetëror të Zgjedhjeve në Maqedoni, shkruan albinfo.ch.
Nga Komisioni Shtetëror i Zgjedhjeve thonë se për herë të parë aplikohet sivjet një praktikë e këtillë e regjistrimit, me qëllim që qytetarëve të cilët janë për qëndrim apo punë të përkohshme jashtë vendit t’u mundësohet mënyrë më e lehtë e paraqitjes për votim për ta realizuar të drejtën e tyre të votës.
Aplikacioni duket të jetë i thjeshtë dhe ofron opsion të vetëm gjatë fillimit të plotësimit të fletëparaqitjes me atë që në pjesën e numrit të amzës shënohet vetëm numri i amzës i qytetarit dhe për shkak të mbrojtjes së vetë aplikacionit, ka numra të cilat e ofrojnë këtë mbrojtje.
“Në të njëjtin moment kur klikohet që të vazhdohet me hapat e mëtejmë, aplikacioni i gjeneron të dhënat e tjera, të cilat janë të vendosura në Listën zgjedhore, do të thotë të dhënat e vetë qytetarit – emri dhe mbiemri, ndërsa në pjesën e të dhënave reale do të tregohet edhe emri i njërit prej prindërve”, citojnë mediat në Shkup Admir Shabanin nga Komisioni Shtetëror i Zgjedhjeve.
Zgjedhësit në diasporë mund të përzgjedhin vendin se ku dëshirojnë të votojnë nëse ka më shumë se një zyrë, ambasadë apo përfaqësi konsullore diplomatike (PKD).
Në momentin kur qytetari e dërgon fletëparaqitjen, ajo mbërrin në KSHZ dhe fillon faza e përpunimit të saj.
Qytetari është i obliguar ta shkruajë e-mail adresën e tij, me qëllim që KSHZ-ja të vendosë komunikim me të, respektivisht të dërgojë informatë, e cila ka të bëjë me paraqitjen e tij. Shkruhet edhe numri i dokumentit valid për udhëtim të qytetarit. Këtu qytetari i RM-së duhet të parashtrojë dokument, me çka do ta konfirmojë qëndrimin në vendet e huaja.
Linku online:
https://dijaspora.sec.mk/
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll