Pas Shaqirit edhe Milan e Juventusi

Shtohet interesimi për talentin shqiptar të futbollit, Xherdan Shaqirin.

Sipas mediave italiane, të cilat i tranmseton gazeta Blick e Zvicrës, kampioni italian, Milan, si dhe gjiganti Juventus, kanë shfaqur gjithashtu  interesim për ta angazhuar në radhët e veta, sulmuesin super të talentuar kosovar Xherdan Shaqiri (19).

Interesimi italian mbetet edhe më tutje në Zvicër, pikërisht te futbollistët shqiptarë.

Pajtim Kasamin e do Cesena, kurse Granit Xhakën Udinese..

E gjithë kjo ndodhi pas paraqitjes së mrekullueshme të Shaqës në ndeshjen e fillimit të EURO U21.

Mesfushori kosovar Xherdan Shaqiri është vlerësuar si njëri nga gjashtë yjet që po marrin pjesë me përfaqësueset e tyre në Kampionatin evropian për Shpresa (U-21), në Danimarkë

Shaqiri i prin kësaj liste të yjeve të “Euro 2011” para Juan Matas të Valencias e Christian Eriksenit të Ajaxit. Ky i fundit pas ndeshjes me Zvicrën ka mbetur i impresionuar me Shaqirin, duke thënë se dëshiron të bëhet si Shaqiri.Shaqiri vazhdon të jetë në “radar” edhe të klubeve si Manchester United, Liverpool, Arsenal, Bayern Munchen, PSV Eindhoven e të tjera.