Integrimi
Politikani i SVP-së i del në mbrojtje reperit Besko: “Ai i nevojitet Zvicrës”!
“Është një shans i humbur. Reperi i dëbuar do të mund të bënte ndikim pozitiv te migrantët tjerë të rinj. Duhet të mendojmë kthjellët: Ai na shërben këtu më mirë se në Kosovë”, ka thënë Reimann
Reperit Besko (Besian Kacorraj) i cili para dy javësh është dëbuar nga Zvicra në Kosovë i ka ardhur mbështetje nga një person krejt i paimagjinueshëm! Ka qenë pikërisht deputeti i SVP- i Lukas Reimann, i njohur si përfaqësues i linjës së fortë të kësaj partie të djathtë, i cili ka dalë me deklaratën që Besko nuk duhej të deportohej, shjkruan 20minuten.ch.
“Është një shans i humbur. Reperi i dëbuar do të mund të bënte ndikim pozitiv te migrantët tjerë të rinj. Duhet të mendojmë kthjellët: Ai na shërben këtu më mirë se në Kosovë”, ka thënë Reimann, i cili njihet madje edhe për disa konteste me dy reperë tjerë me prejardhje shqiptare në Zvicër, transmeton albinfo.ch. Për më tepër, deputeti i SVP-së i është drejtuar me një letër shefit të Sekretariatit Shtetëror për Migracion (SEM) Mario Gattiker. Ndonëse Reimann vazhdon të jetë për qëndrim të ashpër në dëbimin e të huajve me dosje krimi, ai thekson se ky është “një rast i rëndë”.
I pyetur nga albinfo.ch, Besko e ka konfirmuar se është i informuar për mbështetjen që i ka ardhur nga politikani i SVP-së. Por, ndonjë deklaratë më të hollësishme rreth kësaj, ai ka thënë se mund ta bëjë vetëm pas emisionit të sontëm.
Më konkretisht lidhur me reagimin e politikanit Reimann kundër dëbimit të Besko-s do të marrim vesh në emisionin Rundschau të transmetuesit publik SRF, sonte që fillon në orën 20.55.
Siç ka shkruar edhe albinfo.ch. Besian Kacorraj është dëbuar nga Zvicra për një varg deliktesh të kryera, për të cilat ka vuajtur dënimin. Por, gjatë burgut ai ka pësuar një ndryshim pozitiv dhe është marrë si shembull integrimi për të rinjtë me prejardhje të huaj.
Të ngjashme
Të tjera nga Integrimi
E-Diaspora
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
Jeta në Zvicër
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Bashkëpunimi Zvicër-Kosovë, diskutojnë Rafuna e Fetahi
-
Pritet trafik i rënduar gjatë majit në Zvicër
-
Rriten rastet e pastrimit të parave në Zvicër