Brexit “ndal” ekonominë gjermane

Studimi gjeti se eksportet, të cila janë tradicionalisht forca e ekonomisë gjermane, ndoshta do të tkurren me 9 për qind në vitin 2017 për shkak të paundit të dobët britanik

Pasojat e vendimit të referendumit për të dalë Britania e Madhe nga Bashkimi Evropian do të ndikojnë në uljen e rritjes së ekonomisë gjermane vitin e ardhshëm në rreth 0.25 për qind, sipas një studimi të fundit nga Instituti i Kërkimeve Ekonomike të Këlnit, shkruajnë mediet gjermane, përcjell albinfo.ch.
Studimi gjeti se eksportet, të cila janë tradicionalisht forca e ekonomisë gjermane, ndoshta do të tkurren me 9 për qind në vitin 2017 për shkak të paundit të dobët britanik.
Vitin e kaluar kompanitë gjermane kanë eksportuar mallra me vlerë rreth 89 miliardë euro për Mbretërinë e Bashkuar, sepse ishulli është destinacioni i tretë i eksportit për Gjermaninë.