Opinione
Çfarë do të ndodhë nëse LSDM do të fitojë 7 mandate në njësinë nr. 6
Nëse marrim parasysh këtë model të ri të LSDM-së, duke ia shtuar kësaj edhe numrin e madh të partive të vogla opozitare shqiptare dhe pakënaqësinë gjithnjë e në rritje ndaj dy partive më të mëdha shqiptare, BDI dhe PDSH, atëherë mund të supozojmë se në këto zgjedhje shqiptarët do të jenë humbësit më të mëdhenj
Të supozojmë se LSDM, më 11 dhjetor, i fiton zgjedhjet. Bartës të listës zgjedhore në njësinë nr. 6 vendos Mukin, Muhamet Zeqirin dhe pas tij nja 10 personalitete shqiptare, të cilët kanë influencë në popull dhe si rezultat fiton 7 ose 8 mandate në njësinë me numër më të madh votuesish shqiptarë, dhe nja dy a tre mandate në njësinë numër dy, ku jozyrtarisht mediat vendëse kanë theksuar se LSDM gëzon autoritet edhe te shqiptarët.
Teorikisht me aq deputetë LSDM do të arsyetohet se ajo përfaqëson edhe shqiptarët në parlament. Nëse kjo ndodh, atëherë shtohet një pyetje logjike: A do t‘i nevojitet LSDM-së argatllëku i BDI-së dhe i PDSH-së?
Nuk është sekret nëse themi se me ndihmën e votës shqiptare, përmes koalicioneve brenda natës, kanë marrë mandate edhe deputetë të VMRO-s, ose ato të LSDM-së dhe atë me ndihmën e dy partive shqiptare, BDI e PDSH.
Tanimë kjo qasje e LSDM-së është një model më ndryshe nga ajo që jemi mësuar të shohim ndonjëherë në skenën politike në Maqedoni. Se LSDM do të fitojë mandate me votat e shqiptarëve është e qartë, por sa të tillë do të jenë, pritet të shohim pas 11 dhjetorit.
Nëse marrim parasysh këtë model të ri të LSDM-së, duke ia shtuar kësaj edhe numrin e madh të partive të vogla opozitare shqiptare dhe pakënaqësinë gjithnjë e në rritje ndaj dy partive më të mëdha shqiptare, BDI dhe PDSH, atëherë lirisht mund të supozojmë se në këto zgjedhje shqiptarët do të jenë humbësit më të mëdhenj, pasi mundësitë janë shumë të mëdha që vota shqiptare të ndahet në më shumë subjekte politike.
Një gjë është e qartë, nëse kësaj radhe LSDM do të arrijë të vjelë votën shqiptare, me modelin e ri të saj, atëherë me shumë të drejtë do të arsyetohet para elektoratit se kjo parti politike përfaqëson edhe shqiptarët. Koalicionet e mundshme me parti të tjera shqiptare mund të realizohen, por thjesht për të plotësuar mungesën e numrave në parlament.
- Ky është një opinion i autorit dhe nuk pasqyron domosdoshmërisht qëndrimin e redaksisë
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla