Gol fantastik nga Gashi

Sulmuesi shqiptar ka shënuar gol nga rreth 40 metra, kurse skuadra e tij u kualifikua tutje. Për shkak të një lëndimi, ai u largua nga loja në pjesën e dytë

https://www.youtube.com/watch?v=Ga5pB7oWIxA

Shkëlzen Gashi vazhdon të shënojë gola në kampionatin amerikan dhe të jetë në super formë, shkruan albinfo.ch.

Sulmuesi shqiptari shënoi një gol fantastik nga rreth 40 metra në minutën e 36-të, në ndeshjen e play-offit ndaj Los Angeles Galaxy, pjesë e së cilës është edhe Steven Gerrard.

Ndeshja e parë përfundoi 1:0 për Los Angeles Galaxy dhe goli i Gashit ka shtuar shpresat për kualifikim ekipit të tij, Colorado Rapids, që arriti të kalonte skuadrën e britanikut Gerrard pas gjuajtjeve të penalltive.

Gashi u zëvendësua në pjesën e dytë dhe minutat në vijim nuk sollën asgjë të re, 90 minutat përfunduan me rezultatin 1:0, çka e çoi ndeshjen në kohën shtesë.

Edhe në shtesë asnjë prej ekipeve nuk arriti të shënojë dhe gjithçka u vendos nga pika e bardhë, ku shokët e skuadrës së Gashit ishin më të saktë, duke fituar me penallti 3:1.