Bota
Gjermania po i shet autostradat?
Ministria e Financave e Gjermanisë është duke shqyrtuar shitjen e një pjese prej 50% të rrugëve në vend, në përpjekje për të zhvilluar rrjetin e autostradave, shkruan gazeta gjermane “Der Spiegel”, duke cituar “Reutersin”.
Rrjeti i autostradave në Gjermani me një gjatësi të përgjithshme prej rreth 13.000 kilometrash është i dyti më i madhi në botë. Pronësia është e ndarë në mënyrë të barabartë mes qeverisë federale dhe provincave, përcjell albinfo.ch.
Ministri i Financave, Wolfgang Schaeuble, është duke eksploruar shitjen e një pjese të autostradave shtetërore, kështu që qeveria do të mbajë aksionet e kontrollit.
Nuk dihet sa para një marrëveshje e tillë do të sjellë në thesarin e shtetit. Vetëm nga “pagesat” për kamionë qeveria federale i merr rreth 4 miliardë euro në vit.
Ministria beson se kompanitë e sigurimeve, fondet pensionale dhe investitorët e tjerë institucionalë për shkak të periudhës së gjatë të normave të ulëta të interesit, mund të kenë interes për një investim të tillë.
Anëtarët e Parlamentit të Gjermanisë komentuan për “Reuters” se Schäuble tani vetëm ka paraqitur në përgjithësi idenë gjatë një takimi të Komitetit të buxhetit javën e kaluar.
Ideja e privatizimit të rrjetit rrugor në Gjermani nuk është e re dhe periodikisht shpërfaqet. Shitja e mundur me siguri do të presë për zgjedhjet nacionale që do të mbahen në fund të vitit 2017.
Ministri i Ekonomisë, Sigmar Gabriel, lider i Partisë së qendrës së majtë Social Demokrate, e cila ndan pushtetin me partinë e kancelares Angela Merkel, megjithatë nuk e miraton idenë. Zëdhënësi i Gabriel mohoi që po përgatitet privatizimi i rrugëve ose të operatorëve të autostradës.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut