Edi Rama, kryeministri artist

“Asnjë lider nuk ka një zyrë ai ajo e Edi Ramës, kryeministrit të Shqipërisë. Në muret e zyrës janë me qindra vizatime, ngjyra, abstraksionet, dhe e gjithë kjo është një dizajn i tij”, thuhet në shkrimin e “The Guardian”

E përditshmja britanike, “The Guardian”, ka bërë një shkrim shumë interesant për kryeministrin e Shqipërisë, Edi Rama, shkruan albinfo.ch.

“Infrastruktura themelore, korrupsioni endemik, megjithatë njeri më i fuqishëm i vendit gjen ende kohë për të vizatuar në ditarin e tij ministror dhe tani hap ekspozitë në një nga galeritë kryesore të botës”, shkruan “The Guardian”.

“Asnjë lider nuk ka një zyrë ai ajo e Edi Ramës, kryeministrit të Shqipërisë. Në muret e zyrës janë me qindra vizatime, ngjyra, abstraksionet, dhe e gjithë kjo është një dizajn i tij”, thuhet më tej.

Për “The Guardian” Rama nuk është një rastësi, ai nuk një politikan me prirje artistike, por një artist i vërtetë në pushtet.

“Një ish-profesor i artit, nuk kishte ndërmend të hynte në jetën publike dhe kur ai e bëri, ai nuk e ka braktisur plotësisht karrierën e tij fillestare. Mes debateve për anëtarësimin në Bashkimin Evropian dhe grindjeve të rastit me fqinjët e Ballkanit, Rama po përgatitet për ekspozitën e tij të parë në SHBA, në galerinë ‘Marian Goodman’ në Nju Jork”.

Rama më parë ishte edhe kryetar i Tiranës. “Kur u bëra kryetar i Bashkisë së Tiranës, në qytet kishte vetëm 78 drita rrugësh funksionale. Kështu që imagjino si ishte të shkojë tek njerëzit dhe ti pyesje çfarë ngjyre e do pallatin!”, ka thënë Rama.