Hadërgjonaj, afër të përfaqësojë Zvicrën

“Për të luajtur me Zvicrën do të ishte një hap tjetër i rëndësishëm. Zvicrën e favorizoj momentalisht”, u shpreh Florent Hadërgjonaj

Mbrojtësi shqiptar, Florent Hadërgjonaj edhe një herë ka folur për të ardhmen e tij, derisa ka thënë se është më afër Zvicrës, shkruan albinfo.ch.

Në një intervistë për të përditshmen gjermane ‘Bild’, ai ka thënë se pret që të adaptohet edhe më shumë.

“Hadergjonaj i vërtetë ka nevojë edhe për pak kohë, ajo do vijë”, ka thënë mbrojtësi i djathtë.

Para ndeshjes me Darmstadin, u takua me Xherdan Shaqirin, i cili luan për Zvicrën, derisa kishte qenë pjesë e Bayernit.

“Shaqiri më tha, se edhe për atë fillimi nuk ishte i lehtë në Bayern. Sepse transferimi në Bundesliga ishte hap i madh”, theksoi Hadërgjonaj.

“Teorikisht mund të luaj me Zvicrën, Kosovën ose Shqipërinë”, thotë shqiptari i lindur në Zvicër. Ai ka luajtur dhjetë ndeshje me Zvicër U21, ndërsa babai Nexhati dhe nëna Adelina vijnë nga Kosova.

“Për të luajtur me Zvicrën do të ishte një hap tjetër i rëndësishëm. Zvicrën e favorizoj momentalisht”, u shpreh Florent Hadërgjonaj.