Shërbimi gjerman i inteligjencës zbuloi në mesin e tyre një islamist të dyshuar

Agjencia gjermane e Inteligjencës për Mbrojtjen e Kushtetutës, Bundesverfassungsschutz (BFV), ka zbuluar dhe ka arrestuar në radhët e tyre një shtetas gjerman, i cili kishte qasje në “materiale të ndjeshme”, nën akuzën se ka publikuar deklaratat islamike në internet dhe zbuloi materialet e brendshme të agjencisë, përcjell albinfo.ch.

Zëdhënësi BFV për Reuters nuk pranoi të publikojë detajet e pozitës së të arrestuarve në agjenci dhe kohën kur ai ishte bashkuar me agjencinë. Ai refuzoi të komentojë edhe për të përditshmen “Die Welt” se 51-vjeçari kishte planifikuar të shpërthente një bombë në zyrën qendrore të BfV në Këln. Urdhri për arrestimin e tij është lëshuar nën dyshimin për konspiracion dhe për vrasje.

“Nuk ka asnjë provë në këtë pikë që ka një rrezik të veçantë për sigurinë e BFV dhe stafit të tij. Njeriu është akuzuar për publikimin e mesazheve islamike në Internet, duke përdorur një emër të rremë dhe ka publikuar materialet e brendshme të agjencisë në internet”, tha zëdhënësi.

Një burim i paidentifikuar nga BFV i tha gazetës “Der Spiegel, Spiegel Online”, duke konfirmuar akuzat se një qytetar i Gjermanisë u përpoq të përcjellë informacione të ndjeshme që mund të rrezikojë agjencinë”.

“Spiegel” shkruan se në prokurori kishte gjurmuar ekstremistin e dyshuar për katër javë dhe se ai është ndaluar për momentin, dhe me hetimin udhëheq prokuroria në Düsseldorf. Personi hyri në shërbimin e kundërzbulimit kohët e fundit për të ndjekur islamistët në Gjermani. Siç tregon ai për “Spiegel”, hetuesit gjetën të dhëna të dyshuara me informacione të rëndësishme të biznesit.

Autoritetet gjermane kanë rritur mbikëqyrjen e grupeve të mundshme militante islamike pas dy sulmeve në korrik e ku përgjegjësinë e mori organizata sunite ekstremiste Shteti Islamik.
Agjencia BFV ka vlerësuar se në Gjermani ka rreth 40.00 islamistë, duke përfshirë 9,200 islamistë të njohur si salafistë, ka thënë Hans-Georg Maas, kreu i kësaj agjencie në një intervistë të mëparshme në nëntor me Reuters.