Pak më shumë të papunë në Zvicër

3.3 për qind raportohet shkalla e papunësisë në nëntor, nga 3.2 për qind që ishte në muajin tetor.

Këto të dhëna i ka publikuar Sekretariati i Shtetit për Çështjet Ekonomike (SECO), përcjell albinfo.ch.

Në përputhje me rrethanat, 4697 persona më shumë ishin të papunë se në muajin e kaluar. Në total 149.228 të papunë janë të regjistruar në qendrat rajonale të punësimit (RAV) në nëntor.

Numri i regjistruar i vendeve të lira në RAV është ulur minimalisht vetëm për 96, nga 10.814.
Kjo konfirmohet nga Seco një muaj më parë, duke publikuar shifrat e tetorit. Boris Zürcher nga Seco pastaj foli për një “stabilizimit në nivel të lartë”. Papunësia, pavarësisht nga efektet sezonale, në muajt e ardhshëm nuk do të ketë shumë ndryshime.

Vetëm papunësia e të rinjve ka rënë. Gjatë nëntorit të vitit 2016, në krahasim me muajin tetor, në mesin e 15 deri 24-vjeçarëve papunësia është ulur me 0.9 për qind, në 18.921 të rinj. Krahasuar me muajin e kaluar, shkalla e papunësisë së të rinjve ka rënë me 5.6 për qind.

Shkalla e përgjithshme e papunësisë u rrit me 0.7 për qind krahasuar me të njëjtën periudhë të vitit të kaluar.