Gjiganti anglez pas mbrojtësit shqiptar

Manchester City është vënë pas Elseid Hysaj, i cili më parë u kërkua nga Manchester United dhe Bayern Munich

Elseid Hysaj

Elseid Hysaj është futbollisti më i mirë shqiptar për momentin. Më parë për shërbimet e tij u interesua Manchester United dhe Bayern Munich, kurse në garë për shërbimet e tij ka hyrë edhe Manchester City, shkruan albinfo.ch.

Trajneri Pep Guardiola është vënë në kërkim të një mbrojtësi të nivelit botëror në krahun e djathtë dhe i është bashkuar garës për shërbimet e Elseid Hysajt. Humbjet e fundit të Manchester Cityt, paraqitjet jo të kënaqshme nga Bacary Sagna apo Pablo Zabaleta në krahun e djathtë, e kanë bindur teknikun spanjoll të shpenzojë në afatin kalimtar.

Disa muaj më parë, nga Anglia, Hysajn e vëzhgonte edhe Arsenali, me trajnerin Arsene Wenger që e cilësonte si zëvendësuesin ideal të Hector Bellerin, por interesi u zbeh pas rinovimit të mbrojtësit spanjoll.

Duke parë edhe forcën financiare të klubeve më të mëdha angleze, e vetmja mënyrë që mbrojtësi i kombëtares të largohet nga Napoli është pagesa prej 50 milionë eurosh, e parashikuar në klauzolën për prishjen e kontratës në “San Paolo”.