Ajri në Prishtinë edhe më i ndotur

Kryeqyteti i Kosovës, Prishtina është vënë në qendër të vëmendjes sa i përket ajrit të ndotur. Raportet thonë se shkalla e ndotjes është alarmante

Këtë e ka dëshmuar edhe matësi i vendosur në Ambasadën e SHBA-së, në Prishtinë, raporton albinfo.ch.

Sipas matësve, ajri të mërkurën në mbrëmje ishte 330 ppm, apo në nivelin e fundit të ndotjes.

Prej 300 deri në 500, ku gjendet Prishtina momentalisht është edhe kategoria e fundit e cila është më e rrezikshmja për shëndetin.

Për këtë kanë njoftuar edhe vet Agjencia e Mjedisit të Kosovës, e cila si arsyetim për këtë ka dhënë motin e ditëve të fundit.

Në Prishtinë ka filluar edhe një fushatë kundër kësaj dukurie, por nuk është ndërmarrë asnjë masë, kurse institucionet vazhdojnë të heshtin karshi këtij problemi.