Integrimi
Dëshira Vrajolli Flankër, zgjidhet kryetare komune në Suedi
Ajo është zgjedhur kryetare e komunës Vermdë dhe që nga 1 janari i 2017-ës do të mbajë timonin e kësaj komune afër Stokholmit. Komuna e Vermdës është një komunë e zhvilluar me afër 42 000 banorë

“Shpresoj se mërgimtarët shqiptarë do të inspirohen dhe do të ndjekin ëndrrat e të ardhmes së tyre. Suedia është një vend fantastik me mundësi që rrallë ndonjë vend tjetër t`i ofron. Ndaj shpresoj edhe njëherë se bashkatdhetarët e mi do ta shikojnë gotën e mbushur përgjysmë duke vërejtur gjërat pozitive që kemi marrë nga Suedia”.
Kështu shprehet Dëshira Vrajolli Flankër, kryetare e sapozagjedhur e komunës Vermdë afër Stokholmit, shkruan infoshqip.com.
Me profesion Dëshira është ekonomiste. Një kohë ka punuar për UC AB, ndërmarrje e të dhënave për kredidhënie. Pastaj punoi si shefe e shitjeve te allbolag.se, ishte si ndërmarrëse dhe kreu detyra për administratën tatimore. Në fushën e politikës ishte më aktive gjatë dy viteve të fundit: ishte delegate e kuvendit të komunës dhe kryetare e administratës komunale për ndërtim, ambient dhe mbrojtje shëndetësore.
Ndërkaq tani është zgjedhur kryetare e komunës Vermdë dhe që nga 1 janari i 2017-ës do të mbajë timonin e kësaj komune që shtrihet në arkipelagun e afërt të Stokholmit.
Komuna e Vermdës është një komunë e zhvilluar me afër 42 000 banorë. Është e njohur posaçërisht me industrinë e porcelanit dhe me bukuritë e rralla që ofron arkipelagu i Stokholmit.
“Popullsia po rritet dhe infrastruktura nuk është e mjaftueshme. Si komunë kemi shtrirje të madhe gjeografike gjë që nënkupton sfida të mëdha për shëndetësi, shkolla dhe përkujdesje. Si shumë komuna tjera edhe ne duhet të ndertojmë objekte banimi, pjesërisht për rendin e pritjes për banim por edhe për shkak të situatës së krijuar nga ardhja e refugjatëve”, tha Dëshira Vrajolli Flankër.
Ajo beson në vizionin e saj.
“Jam tepër e interesuar që shoqërisë t’i shërbej me konstruktivitet, rregull dhe me masa afatgjate. Poashtu kam shumë dëshirë të punoj me njerëz dhe ndjehem e gëzuar që do ti prijë një organizate ku angazhimet individuale do të ndërtojnë një tërësi të fortë”, shtoi më tej ajo.
Biografi e shkurtë:
- Emri e mbiemriDëshira Vrajolli Flankër
- Prejardhja:Kosovë
- Vendi ku vepron:Suedi
- Profesioni:Kryetare e komunës Vermdë
Të tjera nga Integrimi
E-Diaspora
-
Veshalla e Tetovës mirëpret mërgimtarët në manifestimin tradicional “Votra jonë na bashkon” Fshati i Veshallës në Malësinë e Tetovës sot u mbush me jetë, ngjyra dhe emocione, teksa...
-
Tragjedi në Ujman: Humb jetën mërgimtari 33 vjeçar pasi kërceu nga ura
-
Shqiptarët në Maqedoni të përjashtuar nga anketa zyrtare për diasporën
-
NZZ shkruan për ambasadorin e Kosovës në Bern, Mentor Latifin
-
Kujdes bashkatdhetarë: Shkeljet në trafik në Kosovë mund t’ju kushtojnë edhe në Zvicër
Jeta në Zvicër
-
Zvicër: Atraksionet që mbartin më shumë sasi rreziku Djegie, mavijosje dhe madje edhe vdekje: objektet e atraksioneve verore tërheqin shumë familje në Zvicër çdo...
-
Sondazhi: Ja çfarë e bën Zvicrën të veçantë
-
Mbi 10,000 njerëz në mes të shiut, morën pjesë në Paradën e Liqenit të Gjenevës
-
Shi i rrëmbyeshëm në Zvicër: 160 raportime në Aargau, situatë e tensionuar në Glarus
-
Turistë të rinj, shqetësime të vjetra: Luzern nën presion