Xhaka feston Krishtlindjet me fëmijët

“Çfarë nderi të festojë Krishtlindjen me fëmijë kaq të jashtëzakonshëm. Kam kaluar momente të mrekullueshme me ta. Faleminderit”, ka shkruar Xhaka në “Facebook”

Foto: Facebook

Granit Xhaka edhe një herë është treguar aktiv jashtë fushës së blertë. Mesfushori i Arsenalit i ka befasuar disa fansa të vegjël të skuadrës së tij, Arsenalit, duke i vizituar dhe ndarë kohë me ta, shkruan albinfo.ch.

“Çfarë nderi të festojë Krishtlindjen me fëmijë kaq të jashtëzakonshëm. Kam kaluar momente të mrekullueshme me ta. Faleminderit”, ka shkruar Xhaka në “Facebook”.

Ndërkohë, Xhaka në një intervistë për “ArsenalPlayer”, ka thënë se nuk do ta ndryshojë stilin e lojës. “Luaj me shumë emocione sepse jam tip temperament dhe luaj me të. Më pëlqen të luaj kështu. Nganjëherë vonohesh për top, nganjëherë jo. Nganjëherë duhet të kesh kontakt me kundërshtarin kur ju doni ta ndalni, nganjëherë jo. Është sport ku duelet individuale janë vitale dhe nuk e shoh si problem. Nuk do të ndryshoj për askënd. Jam ky që jam, njerëzit më pranojnë ose jo. Kam fuqinë dhe dobësitë e mija, të cilat përpiqem t’i përmirësoj. Nuk jam produkt i përfunduar. Jam vetëm 24-vjeçar dhe kam kohë për t’u përmirësuar”, ka thënë Xhaka.