Dua Lipa grumbullon 15 mijë euro për rininë kosovare

Fondacioni i formuar nga Dua Lipa ka për qëllim që të ndihmojë të rinjtë e Kosovës në disa aspekte, në veçanti në art dhe kulturë

Këngëtarja shqiptare, Dua Lipa ka grumbulluar 15 mijë euro për fondacionin e saj “Sunny Hill Foundation” i dedikuar për rininë kosovare.

Lajmin e ka bërë të ditur vetë këngëtarja shqiptare, e cila jeton në Londër të Anglisë, shkruan albinfo.ch.

“Koncerti i fundit për këtë vit. Faleminderit stubru (Studio Brussel) dhe #MusicForLife, me koncertin e sotëm grumbulluam 15 mijë euro për ‘Sunny Hill Foundation’, i cili ndihmon të rinjtë e Kosovës në të gjitha artet kreative. Më 2017 nuk më pritet të ju tregoj se çfarë kemi punuar”, ka shkruar Dua Lipa në “Instgaram”.

Fondacioni i formuar nga Dua Lipa ka për qëllim që të ndihmojë të rinjtë e Kosovës në disa aspekte, në veçanti në art dhe kulturë.

Ajo gjatë verës ka mbajtur koncert në Prishtinë, derisa gjithmonë ka theksuar në intervistat e ndryshme se është krenare që është shqiptare.