Hasi drejt rikthimit në Belgjikë

Ish-trajneri i Anderlechtit është kandidati kryesor për të marrë drejtimin e Racing Genk

Trajneri shqiptar, Besnik Hasi drejt rikthimit në kampionatin belg. Ish-trajneri i Anderlechtit është kandidati kryesor për të marrë drejtimin e Racing Genk, shkruan albinfo.ch.

Kjo skuadër po kalon në një moment të vështirë dhe drejtuesit po mendojnë shkarkimin e teknikut Peter Maes.

Hasi aktualisht është i lirë, pas largimit nga Legia e Varshavës në mesin e muajit shtator.

Nëse emërohet, detyrat e gjakovarit për pjesën e mbetur të sezonit janë të qarta. Fillimisht 44-vjeçari Hasi duhet t’u japë më tepër hapësira lojtarëve të rinj të akademisë së Genkut.

Me 10 ndeshje të mbetura deri në mbylljen e sezonit të rregullt dhe faktin që në klub ka pak optimizëm për të rikuperuar diferencën prej nëntë pikësh nga vendi i gjashtë, i cili është pozicioni i fundit që lejon pjesëmarrjen në raundin ku përcaktohet fituesi i titullit, drejtuesit kërkojnë që Hasi të përqendrohet në Kupën e Belgjikës dhe në Ligën e Kampionëve.