Mavraj kalon testet në Hamburg

Kontrata e tij vlen deri në 2019, kur Mavraj do të jetë 33 vjeç, ndërsa rroga për çdo edicion do të jetë 1.8 milionë euro, pra gjithsej 5.4 milionë

Mbrojtësi i Kombëtares shqiptare, Mërgim Mavraj sipas mediave gjermane ka kaluar testet mjekësore në Hamburg dhe do të largohet nga Kolni, shkruan albinfo.ch.

Skuadra e Hamburgut do të japë rreth pesë milionë euro për futbollistin shqiptar. Trajneri i Hamburgut, Markus Gisdol e kërkoi një qendërmbrojtës të nivelit të lartë dhe me përvojë e shqiptari i plotësonte të gjitha kriteret.

Në 16 ndeshjet e luajtura në fazën e parë të kampionatit gjerman, 30-vjeçari nga Kosova nuk humbi asnjë minutë.

Kontrata e tij vlen deri në 2019, kur Mavraj do të jetë 33 vjeç, ndërsa rroga për çdo edicion do të jetë 1.8 milionë euro, pra gjithsej 5.4 milionë.