Kultura
Eno Peçi, për të 14-tën herë pjesë e koncertit të Vjenës
Balerini dhe koreografi i njohur shqiptar, Eno Peçi edhe këtë vit do të jetë pjesë e koncertit të Vjenës, i njohur në publik si koncerti i Vitit të Ri
Ky është viti i 14-të që balerini tiranas i cili prej shumë vitesh jeton në Vjenë të Austrisë, është pjesë e pandashme e njërës nga ngjarjet më të rëndësishme artistike jo vetëm të Austrisë. Koncerti do të jepet me 1 janar 2017 duke filluar nga ora 11:15 minuta, ndërsa transmetohet në televizionet më të njohura të shteteve evropiane dhe më gjerë.
“Sigurisht se do të jem pjesë e koncertit të Vitit të Ri. Janë pesë çifte solistësh që kërcejnë. Unë kërcej me Ketevan Papava. Koreografia është e Renato Zanella”, shprehet Eno për “albinfo.ch”.
Xhirimet e koncertit janë realizuar tek “Hermes Villa” në Lainzer Tier Garten. Valsi që do të kërcejnë quhet “Hereinspaziert” nga opereta “Der Schätzmeister”. Muzika e valsit është realizuar nga Carl Michael Ziehrer. “Është hera e parë që baleti kërcen tek Hermesvilla. Kemi kaluar shumë mirë dhe besoj se do të ju pëlqejë edhe shikueseve”, thekson ai.
Në anën tjetër, Eno për “albinfo.ch”, tregon edhe planet të cilat pret t`i realizojë gjatë vitit 2017. Përveç repertorit në Vjenë si balerin, në janar ai do të jetë përsëri në Moskë për një koreografi të tij, premierën e së cilës e ka në mars.
“Premiera do të jepet tek Stanislawsky Theater. Pas asaj filloj përgatitjet për koreografinë time me “Wiener Staatsballett” për baletin “Petruschka” me muzikën e Igor Strawinskit. Premiera do të jepet me 29 Prill në Volksoper”, tregon balerini Peçi.
Tutje ai tha se do të vazhdojë për të marrë pjesë në një gala mbrëmje në Luxembourg, ku do të shfaqet si koreograf dhe njëkohësisht do të vallëzojë me Maria Yakovleva, solisten e parë të Teatrit të Vjenës. Po ashtu, edhe në vitin 2017 përsëri do të jetë i ftuar në Festivalin Origen në Zvicër ku do të prezantohet me një shfaqje në të cilën ai është koreograf dhe me balerinët e Wiener Staatsballett.
Eno Peçi që nga viti 2000 është pjesë e Trupës së Baletit të Teatrit Shtetëror të Operës së Vjenës, kurse nga viti 2003 bëhet solist kryesor i këtij teatri.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse