Rritet numri i të dëbuarve

Azilkërkuesit e dëbuar ishin me shumicë nga Ballkani, si nga Kosova, Shqipëria, Serbia dhe Maqedonia

Numri i dëbimeve të azilkërkuesve nga Baden-Wurttemberg është rritur në 3633 për vitin 2016, apo 1184 dëbime më shumë se vitin e kaluar, ka njoftuar Ministria e Brendshme në Shtutgart, shkruan ‘morgenweb.de’.

Azilkërkuesit ishin me shumicë nga Ballkani, si nga Kosova, Shqipëria, Serbia dhe Maqedonia, përcjell albinfo.ch.

Në total 31 mijë refugjatë kanë ardhur deri në muajin nëntor në këtë rajon. Vitin e kaluar numri i të ardhurve ishte për tri herë më i madh, 98 mijë.

Shumica e refugjatëve këtë vit kishin ardhur nga Siria, Iraku dhe Afganistani.