Skuadra italiane mund të bashkojë vëllezërit Ajeti

Arlind dhe Albian Ajeti mund të përfundojnë te skuadra, Spal, që garon në Serie B

Vëllezërit Ajeti mund të bashkohen sërish, por kësaj radhe në Itali, përkatësisht në skuadrën e Serie B, Spal, shkruan albinfo.ch.

Mediat lokale kanë bërë të ditur se kjo skuadër po kërkon një mbrojtës me përvojë dhe Arlind Ajeti është njëri nga synimet kryesore të kësaj skuadre. Arlindi nuk po gjen hapësirë në Torino dhe largimi i tij duket shumë i mundshëm.

Por, edhe vëllai i tij, Albiani mund të përfundojë në Spal. Ai ishte i huazuar në St. Gallen nga Augsburg, dhe duke parë formën e tij, italianët pritet të bëjnë çmos që të sigurojnë shërbimet e tij.