Duhani, shkaktar i 8 milionë vdekjeve në vit

Deri në vitin 2030 numri i vdekjeve të lidhura me duhanin mund të rritet për një të tretën, thotë një studim nga Organizata Botërore e Shëndetësisë dhe Instituti Kombëtar Amerikan i Kancerit, njofton albinfo.ch.
“Numri i vdekjeve nga duhani pritet të rritet në rreth gjashtë deri në tetë milionë vdekje vjetore deri në vitin 2030. 80% e vdekjeve janë nga vendet me të ardhura të ulëta dhe të mesme”, thotë studimi i publikuar të martën.
Gati 80% e duhanpirësve jetojnë në këto vende, ku numri i përgjithshëm i duhanpirësve vazhdon të rritet, thotë studimi në fjalë, duke kujtuar se ekspertët mjekësorë mendojnë se ky fenomen i vdekshmërisë nga duhani mund të parandalohet lehtë.

Kosto për ekonominë globale

Pirja e duhanit “shkakton çdo vit (…) më shumë se 1000 miliardë dollarë shpenzime për kujdesin shëndetësor dhe produktivitetin e humbur”, raporton studimi i paraqitur pranë 70 ekspertëve.
Implikimet e kostos për shëndetin e duhanit tejkalojnë të ardhurat nga taksat e duhanit, të vlerësuara nga OBSH-ja me 269 miliardë $ në vitet 2013-2014.