Nesër protestë në Gjenevë: Liri pa kushte për Ramush Haradinajn

Dega e AAK-së në Gjenevë, nesër më 14 janar, në orën 14:00 organizon protestë gjithëpopullore me moton: "Liri pa kushte për Ramush Haradinajn"

Dega e AAK-së në Gjenevë, nesër më 14 janar ne ora 14:00 organizon protestë gjithpopullore me moton: Liri pa kushte për Ramush Haradinaj. Protesta mbahet në Plain de Planpalais në Gjenevë.

Ftohen të gjithë bashkatdhetarët që t’i bashkëngjiten protestës me qëllim që zëri i tyre, zëri i arsyes të dëgjohet sa më mirë.

“Lutemi të merrni sipas dëshirës së çdonjërit prej jush, flamujt shtetërorë e kombëtarë dhe të shprehni edhe përmes afisheve atë që ju e shihni të arsyeshme që përputhet me natyrën e protestës. Ju mirëpresim në një protestë paqësore dhe gjithpopullore shqiptare në të cilën mund t’i ftoni edhe miqtë tuaj ! Me nderimet më të thella, në përkrahje të të drejtës së Heroit tonë”, thuhet në njoftimin e degës së AAK-së në Gjenevë.