Integrimi
Ervin Sheu, kandidat i PS-së për deputet në Parlamentin e Kantonit Vaud
Ai është shqiptari i parë që futet në listat socialiste rajonale prej 15 kandidatëve të Vaudit Verior për Parlamentin e Vaudit, që është njëri ndër kantonet e mëdhenj të Zvicrës
Ervin Sheu, kështu quhet politikani i ri nga Yverdon-i, me prejardhje nga Shqipëria, gjegjësisht nga Korça, i cili i ka vënë vetes një synim ambicioz: të kandidojë për vendin e deputetit në Parlamentin e Kantonit Vaud.
Ervini nuk është i pari politikan me prejardhje shqiptare që kandidon për një post të tillë. Por ai është me siguri i pari që futet në listat socialiste rajonale prej 15 kandidatëve të Vaudit Verior për Parlamentin e Vaudit, që është njëri ndër kantonet e mëdhenj të Zvicrës.
Zgjedhjet për Parlamentin e këtij kantoni do të mbahen në muajin prill të këtij viti.
Përveç ambicieve politike, Ervini ka edhe një angazhim solid shoqëror në komunitetin ku jeton por edhe në komunitetin shqiptar. Kështu, ai është kryetar i seksionit lokal të LAPSH Naim Frashëri në regjionin ku jeton, tregon Ervin Shehu për albinfo.ch
Ai ka 43 vjeç, është i martuar me shqiptare dhe është baba i dy vajzave. Në Shqipëri, në Tiranë, ka mbaruar gjimnazin ndërsa prej më shumë se njëzet vitesh jeton në Zvicër.
“Këtu kam mbaruar shkollën e mesme tregtare në Chaux de Fonds dhe dy vjet të Fakultetit Juridik në Neuchatel. Më pas kam mbaruar edhe formacionin për kontabilist, profesion ky të cilin dhe e ushtroj. Prej dhjetë vitesh jam përfaqësues shqiptar dhe anëtar i Komisionit për Integrim”, shprehet Ervin Sheu për albinfo.ch.
Të tjera nga Integrimi
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter