“Mercedes”: 5.400 euro bonus për punëtorët gjermanë

Sipas një vendimi të përbashkët të bordit drejtues dhe Bashkimit të Sindikatës së Punëtorëve, rreth 130 mijë njerëz që punojnë për kompaninë e automobilave në Gjermani do të marrin 5.400 euro në pagën e tyre të prillit, përcjell albinfo.ch.

“Punonjësit tanë janë çelësi i suksesit tonë dhe gjithçka që kemi arritur në vitin 2016. Ata janë përkushtuar dhe puna profesionale është një faktor kyç në suksesin tonë afatgjatë si një kompani. Bonusi është mënyra jonë e mirënjohjes ndaj punonjësve tanë për përkushtimin e tyre dhe punën e papaguar. Së bashku, ne kemi arritur shumë”, tha Wilfried Port, një anëtar i bordit drejtues të “Daimler”.

Programi për t’i ndarë fitimet me punonjësit e tyre daton nga viti 1997.

“Daimler” vitin e kaluar shiti 2.998.386 automjete në mbarë botën, nga të cilat 2.197.956 janë të departamentit të makinave Mercedes-Benz, prej tyre 415.108 kamionë, 359.096 furgona Mercedes-Benz dhe 26.226 autobusë. Shifra totale paraqet një rritje prej 5 për qind krahasuar me vitin e kaluar.