Krasniqi e ëndërron titullin e kampionit botëror

“Me gjithë respektin e duhur për kundërshtarin, unë do të fitoj këtu. Ëndrra ime është titulli botëror. Kjo nuk është vetëm një opsion, por edhe do ta bëj ëndrrën realitet”, u shpreh Krasniqi

Dueli ndërmjet boksierit shqiptar, Haxhi Robin Krasniqi dhe atij armen po pritet me interesim të madh në Gjermani, shkruan albinfo.ch.

Ky meç do të zhvillohet më 22 prill në Erfurt të Gjermanisë nga ora 22:30 dhe do të transmetohet në televizionin gjerman MDR.

Të boksierët kanë zhvilluar edhe një konferencë të përbashkët, si dhe kanë bërë disa foto.

Boksieri shqiptar është shprehur se e ëndërron titullin botëror. “Me gjithë respektin e duhur për kundërshtarin, unë do të fitoj këtu. Ëndrra ime është titulli botëror. Kjo nuk është vetëm një opsion, por edhe do ta bëjëëndrrën realitet”, u shpreh Krasniqi në konferencën për media.

Ky meç është kualifikues për titullin e botës në kategorinë super të mesme në versionin WBO. Krasniqi si asnjëherë më parë i motivuar dhe i bindur në fitore. Fituesit do t’i hapen rrugët për të shpresuar fitoren e titullit kampion botëror.