Bota
Sulmuesi me sëpatë në Dyseldorf, shtetas i Kosovës
Fillimisht ishte thënë se sulmuesi ishte "ish jugosllav". Ndërkohë në një konferencë për media u kumtua se bëhet fjalë për një shtetas të Kosovës
Rasti i sulmit me sëpatë në stacionin hekurudhor të Dyseldorfit ka bërë jehonë të madhe në mediat gjermane. Fillimisht nga autoritetet kompetente ishte thënë se sulmuesi ishte “ish jugosllav”. Ndërkohë në një konferencë për media të mbajtur nga policia dhe prokuroria në Dyseldorf u kumtua se bëhet fjalë për një shtetas të Kosovës.
—-
I dyshuari, i cili u arrestua, pasi kishte plagosur shtatë persona, vuan, me sa duket, “nga çrregullime mendore”, pohojnë mediet gjermanofolëse. Tri viktima janë në gjendje të rëndë.
Një 36-vjeçar me origjinë nga ish-Jugosllavia, i cili vuan nga “çrregullimet mendore”, duket të ketë plagosur shtatë persona në një sulm me sëpatë të enjten në mbrëmje, në stacionin e trenit të Düsseldorfit, ka bërë të ditur policia gjermane. Arsyet për aktin e tij janë ende të panjohura.
“Pak para orës 20:50 të mbrëmjes sulmuesi doli nga një tren i udhëtarëve, i armatosur me një sëpatë, dhe i sulmoi pasagjerët e pranishëm në Stacionin qendror të Düsseldorfit. Tri nga viktimat janë në gjendje të rëndë”, thekson policia në raportin e saj të fundit.
I dyshuari më pas u hodh nga një urë, ndërsa ai ishte duke u përpjekur të shpëtojë, u plagos rëndë. Sipas agjencisë gjermane të lajmeve DPA, ai nuk është në gjendje të merret në pyetje. Fillimisht, policia pati raportuar se ishin dy sulmues dhe se kanë arrestuar dy veta.
Ndërsa stacioni është evakuuar gjithë natën, forcat e sigurisë janë vendosur kryesisht në afërsi të ndërtesës nga ekipe të armatosura rëndë dhe njësi të veçanta të ndërhyrjes, kurse një helikopter fluturonte mbi qiellin e qytetit.
Gjithashtu, mediat bëjnë të ditur se individi në fjalë kishte vrarë me makinë një kalimtar dhe kishte plagosur dy të tjerë gjatë muajit shkurt.
Peter Altmaier, shef i arkivave dhe këshilltar në afërsi të kancelares Angela Merkel, ka reaguar mbrëmë, duke siguruar mbështetje për viktimat”Çfarëdo që ka ndodhur në Stacionin Qendror të Düsseldorfit, mëshirën tonë dhe mendimet tona janë me viktimat e pafajshme të plagosura”.
Kryetari i komunës, Thomas Geisel, është shprehur: “Kjo është një goditje e rëndë për Düsseldorfin. Shumë njerëz janë në shok. Dua të falënderoj policinë dhe ekipin e emergjencës. Mendimet e mia janë me viktimat dhe familjet e tyre”.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Rriten rastet e abuzimit psikologjik të fëmijëve në Zvicër Numri i rasteve të abuzimit me fëmijët e regjistruar në klinikat pediatrike zvicerane u rrit në...
-
Zvicër: Priten qira akoma më të shtrenjta gjatë vitit të ardhshëm
-
Numri i të burgosurve zviceranë rritet për 7% në një vit
-
Deputetët e Gjenevës shprehen kundër dhënies së të drejtave të plota politike për të huajt
-
SBB aktualisht nuk shet bileta për biçikleta për udhëtime jashtë vendit