Në Bürstadt për herë të parë festohet Pavarësia e Kosovës

Të ushtruara nga Magbule Dedinca, gjashtë vajza me kostume kombëtare kanë perfomuar për mrekulli, derisa janë pritur me duartrokitje nga publiku shqiptar

Në disa qytete të Gjermanisë, por edhe në vende tjera është festuar Pavarësia e Kosovës, megjithatë në Bürstadt, kjo ndodhi për herë të parë. E, gjitha kjo falë Magbule Dedincës, shkruan “buerstaedter-zeitung.de’.

 

“Me familjen time, unë jam integruar në Gjermani”, thotë 27-vjeçarja shqiptare, Magbule Dedica, e cila që nga mosha katër vjeçare jeton në Gjermani, përcjell albinfo.ch.

 

“Megjithatë, unë dua që edhe fëmijët e mi të mos harrojnë kulturën dhe traditën shqiptare”, ka shtuar ajo.

 

Në qytetet tjera është festuar dhe Magbule Dedinca ka dashur që Pavarësia e Kosovës të festohet edhe në Bürstadt. Që nga dhjetori, nëna e dy fëmijëve ka trajnuar një grup të vajzave për të vallëzuar valle popullore shqiptare. Më parë Magbulja ishte valltare, por për shkak të shtatzënisë, ajo e kishte lënë këtë hobi.

 

Megjithatë, ajo po jetëson ëndrrën e saj. Gjashtë vajza nga mosha 6 deri më 11-vjeçare ushtrojnë valle nga ora 17:30 deri në ora 19:00 në shkollën “Kohler”. “Sigurisht ne pranojmë djemtë ose fëmijët gjermanë”, ka shtuar tutje ajo.

 

Kështu edhe erdhi ideja për të organizuar një ndejë për 9-vjetorin e Pavarësisë së Kosovës dhe përgjigja ishte e shpejt me mbi 100 rezervime.

 

Gjashtë vajzat me kostume kombëtare kanë performuar, kurse vlerësimi i publikut ishte shumë pozitivë. Ato janë pritur me duartrokitje.

 

Gjithashtu kishte edhe këngë ‘live’ shqiptare dhe një atmosferë e mirë. Magbule Dedinca nuk dëshiron të harrohen traditat shqiptare, derisa nuk përjashtohet as mundësia që në të ardhmen të organizojë një koncert.

---