Promovohet bankënota e re e 50 eurove, “e sigurt nga falsifikimi”

Te bankënota e re është para së gjithash portreti në “dritare” ai i cili do t`ua vështirësojë punën falsifikatorëve: Ai bëhet i tejdukshëm sapo të kthehet bankënota nga dielli

Keystone

Duke filluar nga sot, e martë, katër prill, ka hyrë në qarkullim bankënota e re e 50 eurove. Kjo bankënotë është paralajmëruar si më e sigurt nga rreziku i falsifikimit në krahasim me pararendësen e saj, kartëmonedhën e deritashme të 50 eurove. Kjo,  sipas Bankës Federale Gjermane  me seli në Frankfurt, gjatë vitit 2016 është falsifikuar në gjashtë nga dhjetë rastet e falsifikimeve të parave në tërësi, shkruan srf.ch.

Ndërsa kur jemi te bankënota e re është para së gjithash portreti në “dritare” ai i cili do t`ua vështirësojë punën falsifikatorëve: Ai bëhet i tejdukshëm sapo të kthehet bankënota nga dielli, transmeton albinfo.ch. Në atë rast bëhet i dukshëm portreti i hyjneshës së Greqisë Antike, Europa, e cila në fakt “i ka dhënë emrin” serisë së dytë të bankënotave  që nga hyrja në qarkullim e euros si valutë e përbashkët evropiane.

Në hapin e parë bankat që emetojnë bankënota do të lëshojnë në qarkullim 5.4 miliardë cope të bankënotave prej 50 eurove.