Shqipëria kundër Kosovës

Takimi mes Shqipërisë dhe Kosovës shihet si mjaft emocionues, sidomos pasi në Kombëtaren shqiptare janë 13 lojtare nga Kosova, ndër to edhe futbollistja më e mirë, Qëndresa Krasniqi

Të enjten më 6 prill në Elbasan do të ndeshen Shqipëria dhe Kosova në konkurrencën e femrave. Kjo ndeshje është e vlefshme për parakualifikimet e Kampionatit Botëror, shkruan albinfo.ch.

Shorti vendosi që Shqipëria dhe Kosova të jenë në një grup, ku bëjnë pjesë edhe Greqia e Malta, derisa të gjitha ndeshjet do të zhvillohen në Shqipëri.

Takimi mes Shqipërisë dhe Kosovës shihet si mjaft emocionues, sidomos pasi në Kombëtaren shqiptare janë 13 lojtare nga Kosova, ndër to edhe futbollistja më e mirë, Qëndresa Krasniqi.

“Është normale të kemi emocione, sepse është një ndeshje më e veçantë se ndeshjet e tjera. Por, do të mundohemi që emocionet ti lëmë jashtë fushës dhe do të japim maksimumin që të fitojmë. Unë jam shumë e lumtur që përfaqësoj ngjyrat e Shqipërisë dhe do të jap maksimumin për Kombëtaren”, deklaroi Qëndresa në konferencën për media para këtij takimi që zhvillohet nga ora 12:00.