Shkurt.ch
Eprori nxit ushtarët për të vrarë!
Eprori duket se ka filmuar vetë këtë skenë me një rrëfim të pakripë. Videoja është xhiruar në regjionin e Thunit, Kantoni i Bernës. Ndërkaq, tashmë është identifikuar eprori përgjegjës, dhe ushtria ka iniciuar hetimet kundër tij
“Ju sapo jeni kthyer nga ushtria dhe tash në shtratin tuaj në shtëpi është shtrirë një burrë tjetër”. Me këto fjalë të folura me tonin tipik ushtarak i nxit një epror i tyre ushtarët në një shesh për qitje me armë. “Mikesha juaj ju pyet: i dashur, përse ke ardhur sot më herët në shtëpi?”.
Këto janë pjesë nga përshkrimi i asaj që shihet në një video të shpërndarë në rrjetet sociale, të publikuar nga blickl.ch. Ushtarët janë të shtrirë përmbys me armët në pozicionin e qitjes. “Ju çmendeni fare”, u bërtet më tutje eprori atyre. “Mikesha ju thotë se puna nuk është aq keq, sepse ky ishte i pari”. Dhe pastaj ai pyet ushtarët: “Si reagoni ju?” Ushtarët reagojnë menjëherë me të shtëna.
Eprori duket se ka filmuar vetë këtë skenë me një rrëfim të pakripë, transmeton albinfo.ch. Videoja është xhiruar në regjionin e Thunit, Kantoni i Bernës.
Zëdhënësi i ushtrisë, Danierl Reist thotë për blick se kjo që po shihet është shokuese. “Kjo video, nëse është e vërtetë dhe nuk bëhet fjalë për montim të zërit, është e pashije dhe absolutisht e patolerueshme nga pikëpamja e ushtrisë”.
Ai ka thënë se është e vështirë të identifikohet vendi i xhirimit pasi që vendet e qitjes janë njësoj kudo.
“Ne do të përpiqemi të gjejmë vendin ku ka ndodhur kjo dhe kur është përgjegjës. Nëse ia dalim, atëherë komandanti përgjegjës do të marrë pasat e duhura”.
Ndërkaq, tashmë është identifikuar eprori përgjegjës, dhe ushtria ka iniciuar hetimet kundër tij, njofton blick.ch.
Video:
http://www.blick.ch/news/schweiz/vorgesetzer-im-skandal-video-der-armee-ist-bekannt-jetzt-ermittelt-die-militaerjustiz-id6586095.html
Të tjera nga Shkurt.ch
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
OECD: Aktiviteti i ngadaltë ekonomik ngadalëson rritjen në Zvicër Aktiviteti i ngadaltë ekonomik po rëndon rritjen, me Produktin e Brendshëm Bruto (PBB) të Zvicrës që...
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit
-
Fillon Programi kundër ngacmimit në Gjenevë