Lajme

Tuzi, Komunë në Mal të Zi

Pas Ulqinit, Tuzi është bërë komuna e dytë me shumicë shqiptare në territorin e Malit të Zi

E premte, 28 Prill 2017 - 9:12 albinfo.ch

Tashmë është edhe zyrtare. Tuzi është shpallur Komunë me të drejta të plota në Mal të Zi. Ky ishte një sukses i jashtëzakonshëm për shqiptarët që jetojnë në këtë vend, raporton albinfo.ch.

 

Në votim të Parlamentit të Malit të Zi, kanë marrë pjesë 42 deputetë, nga 81 që ka Parlamenti, dhe me 42 voto pro Tuzi shpallet Komunë, bëjnë të ditura mediat shqiptare.

 

Tuzi varej nga Bashkia e Podgoricës dhe, prej më shumë se një çerekshekulli, popullsia shqiptare dhe faktori politik shqiptar në Mal të Zi kërkonin që të ishin një komunë më vete me të drejta të plota.

 

Tashmë pas Ulqinit, Tuzi është komuna e dytë me shumicë shqiptare në territorin e Malit të Zi.

 

 

 Të tjera nga Lajme

Shqipëria do të organizojë samitin e ardhshëm të NATO-s, Rama e quan moment krenarie

 E-Diaspora

 Jeta në Zvicër