Shpërblehen fëmijët shqiptarë në Londër

Me rastin Ditës Ndërkombëtare të Fëmijëve, Ambasada e Republikës së Kosovës në Londër në bashkëpunim me Ambasadën e Republikës së Shqipërisë organizuan një konkurs me fëmijë të diasporës shqiptare

Gjuha shqipe, kultura, tradita e historia asnjëherë nuk bën të harrohen edhe nga shqiptarët në diasporë.

Me rastin e 1 Qershorit, Ditës Ndërkombëtare të Fëmijëve, Ambasada e Republikës së Kosovës në Londër në bashkëpunim me Ambasadën e Republikës së Shqipërisë organizuan një konkurs me fëmijë të diasporës shqiptare, me qëllim të motivimit të tyre për ta praktikuar sa më shumë gjuhën shqipe si dhe të mësojnë sa më shumë për historinë dhe kulturën shqiptare, njofton diaspora shqiptare në Londër.

Po ashtu për të gjithë nxënësit u ndanë mirënjohje për punën e tyre.

Shoqatave shqiptare ju ndanë po ashtu mirënjohje për ruajtjen e gjuhës dhe identitetin tonë kombëtarë.

Më 4 qershor (sot), pritet një organizim tjetër madhështor, ku do të ketë shfaqje e program i larmishëm.