Pesë burra akuzohen për sulm e grabitje ndaj dy shqiptarëve

Po ashtu një polic ka dëshmuar se të rinjtë atëherë kishin planifikuar një veprim ndëshkues ndaj shqiptarëve. Të akuzuarit që nuk kanë sulmuar, do të dënohen për shkak se nuk i kanë ndihmuar shqiptarët

Pesë burra të moshës 20 e 21 vjet janë paraqitur në procesin gjyqësor kundër tyre për sulm dhe grabitje. Ata akuzohen për shkak se kanë rrahur dy shqiptarë. Dy shqiptarët të cilët ishin rrahur në Moenshengladbach nuk janë paraqitur pasi janë larguar nga Gjermania, shkruan ‘rp-online.de’.

Ata nuk janë ftuar për shkak se edhe adresat e tyre nuk dihen. Në seancë u dëgjua deklarata e dëshmitarit, si dhe deklarata që kishin dhënë viktimat në atë kohë në polici, përcjell albinfo.ch.

Dëshmitari 57-vjeçar kishte kaluar  në korrik të vitit 2015 në rrugën Giesenkirchener me makinën e tij. Ai ka thënë se ishin 5-6 persona, ndërsa dy ose tre kishin goditur një person, duke e rrëzuar në tokë dhe duke e grushtuar.

I pandehuri 20-vjeçar në sallën e gjyqit ka thënë se shqiptari duhet të marrë mësim, pasi dy ditë më parë së bashku me vëllain e tij e kishin sulmuar atë. Telefoni i ishte gjetur njërit prej personave të akuzuar.

Po ashtu një polic ka dëshmuar se të rinjtë atëherë kishin planifikuar një veprim ndëshkues ndaj shqiptarëve. Të akuzuarit që nuk kanë sulmuar, do të dënohen për shkak se nuk i kanë ndihmuar shqiptarët.

20-vjeçari kishte edhe dhjetëra vepra tjera penale, kurse të tjerët nuk kanë pasur raste të mëdha, me vetëm kundërvajtje.

Një dëshmitar kishte munguar pa arsye në ditën e gjykimit dhe për këtë arsye u dënua me 300 euro, për shkak se mungesa e tij ishte e vazhdueshme.

Procesi me pesë të pandehurit do të rifillojë më 11 korrik.