Shkurt.ch
Schneider-Ammann takoi Ivanka Trump
Ai u takua në Uashington me ministrat e qeverisë dhe me Ivanka Trump, e bija, njëherësh këshilltare e presidentit amerikan. Lidhjet ekonomike mes dy vendeve dhe të “mësuarit zviceran" janë biseduar, ndër të tjera
Në fazën e fundit të udhëtimit të tij veror, Këshilltari Federal është munduar të përforcojë marrëdhëniet ekonomike mes Zvicrës dhe Shteteve të Bashkuara.
Schneider-Ammann ka përfunduar vizitën e tij të martën në Shtetet e Bashkuara.
Ai u takua në Uashington me ministrat e qeverisë dhe me Ivanka Trump, e bija, njëherësh këshilltare e presidentit amerikan. Lidhjet ekonomike mes dy vendeve dhe të “mësuarit zviceran” janë biseduar, ndër të tjera.
Qeveria amerikane, veçanërisht presidenti Trump, njeh pikat e forta ekonomike të Zvicrës, gjë që hap dyert dhe mundëson diskutime interesante në mes të partnerëve, tha Schneider-Ammann për mediat në Uashington.
Rritja e fortë në tregti dhe investime, krijimi i rëndësishëm i vendeve të punës për kompanitë zvicerane dhe niveli i lartë i shpenzimeve në hulumtimet në Shtetet e Bashkuara u diskutuan me Sekretarin e Tregtisë, Wilbur Ross. Kompanitë zvicerane kanë krijuar afro 500.000 vende pune në Shtetet e Bashkuara.
Këshilltari Federal i shpjegoi Wilbur Ross-it se ekonomia zvicerane është e bazuar në një filozofi, duke përfshirë tregjet e hapura dhe dypalëshe të tregtisë së lirë.
“Z. Ross më dha përshtypjen se i vlerëson lart këto parime”.
Një marrëveshje e tregtisë së lirë mes dy vendeve u ndërpre në vitin 2006. Para se të rikthehet, Zvicra duhet të bëjë detyrat e shtëpisë, tha ministri i Ekonomisë zvicerane.
Shkollimi
Me Sekretarin e Arsimit, Betsy Devos, me Sekretarin e Punës, Alexander Acosta si dhe me këshilltaren dhe vajzën e presidentit, Ivanka Trump, Johann Schneider-Ammann ka biseduar rreth trajnimeve. Të dy vendet kanë nënshkruar në vitin 2015 një deklaratë bashkëpunimi në fushën e të mësuarit.
Pas takimit, Schneider-Ammann ka thënë se ishte “i impresionuar” me aftësitë e Ivanka Trump për sistemet e të mësuarit. Ai ftoi tre ministrat dhe Ivanka Trump në Zvicër, për të vazhduar shkëmbimin. Asnjë datë nuk është caktuar ende. “Por, ne e dimë që asaj i pëlqen skijimi, kështu që kjo jep një tregues të sezonit”, tha Këshilltari Federal.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve