Aksident treni në Barcelonë, dhjetëra të lënduar

Bilanci i përgjithshëm është "48 persona të lënduar", por për tridhjetë udhëtarë, të cilët janë në spital, ende nuk dihet se në çfarë gjendje janë

Keystone

Një aksident hekurudhor ka ndodhur të premten në mëngjes në një stacion hekurudhor në qendër të Barcelonës, ku janë në mes njëzet dhe pesëdhjetë të lënduar, por nuk ka të vdekur. Pesë udhëtarë janë lënduar rëndë, duke përfshirë edhe shoferin, raportojnë ekipet e shpëtimit, njofton albinfo.ch.

Aksidenti ndodhi në stacionin hekurudhor Barcelonë-França në qendrën historike. “Ky është një tren rajonal që vjen nga qyteti i Sant Andreu de Calders. Nuk ka të vdekur”, konfirmoi një zëdhënës për shërbimet e mbrojtjes civile. Sipas autoriteteve rajonale, tetëmbëdhjetë persona janë shtruar në spital, raporton albinfo.ch.

Bilanci i përgjithshëm është “48 persona të lënduar”, por për tridhjetë udhëtarë, të cilët janë në spital, ende nuk dihet se në çfarë gjendje janë.

Treni rajonal i kompanisë “Rodalies” ka goditur pistën në orën 7:30. Pamjet video të transmetuara nga amatorët e ndryshëm tregojnë pjesën e përparme të trenit plotësisht të shkatërruar.
Shumë udhëtarë kanë qenë duke qëndruar në këmbë në trenin e mbushur me njerëz në mëngjes, gjë që duket të jenë shumica e të plagosurve.